saxiixyada ugu horeeye ee la dhamaystiri karo.
Kadib bilooyin la isla dhex marayey waxaa hadda furmay suuqa kala iibsiga ciyaartoyda ee bisha Janaayo, waxaana wararkaas qaarkood ay u dhow yihiin inay dhowaan xaqiiqo noqdaan.
Waxaan soo uruurinay qaar ka mid ah kuwa loogu hadal haynta badan yahay dhaqdhaqaaqyada suurtagalka ah ee dhici kara toddobaadyada soo socda.
Kalvin Phillips (Manchester City)
Waxaa lala xiriirinayaa: Newcastle, Juventus
Kalvin Phillips ayaa goolkiisii ugu horeeyay u dhaliyay Manchester City markii ay garaacday Red Star Belgrade tartanka Champions League 13kii December, laakiin uma badna inay ku filnaato sii joogista Etihad Stadium.
Newcastle ayaa si xoogan loola xiriirinayay u dhaqaaqista ciyaaryahanka khadka dhexe ee England, halka u wareejinta meel ka baxsan remier league ay xiisaynayso kooxda reer Talyaani ee Juventus.
Jadon Sancho (Manchester United)
Waxaa lala xiriirinaya: Borussia Dortmund
Muddo dheer ayay iska cadayd in mustaqbalka Jadon Sancho uu ka fog yahay Old Trafford, iyadoo weeraryahanka laga soo masaafuriyay kooxda koowaad ka dib markii ay isku dhaceen tababaraha Manchester United Erik ten Hag.
Naadigiisii hore ee Borussia Dortmund ayaa loo badinaya meel uu ku aadi karo balse mushaarka ayaa u muuqda inuu yahay caqabada ugu weyn.
Saaxiibkii Donny van de beek ayaa ku biiray kooxda Bundesliga ka ciyaarta ee Eintracht frankfurt markii uu suuqa furmay 1dii Janaayo.
26-sano jirkaan ayaa ku biiri doona inta ka dhiman xilli ciyaareedka, isagoo leh ikhtiyaar ah inuu u beddelo heshiis joogto ah.
Aaron Ramsdale (Arsenal)
Waxaa lala xiriirinayaa: Chelsea, Newcastle
Ciyaaryahanka heerka caalami ee dalka England Aaron Ramsdale ayaa booskiisa Arsenal u waayay David Raya bishii Sebtembar, iyadoo xagaaga soo aadan uu ka qeyb galayo tartanka qaramada Yurub, waxaa laga yaabaa inuu raadsado koox u dhaqaaqo Janaayo si uu u xaqiijiyo inuu si joogta ah ugu ciyaaro kooxda koowaad.
Chelsea iyo Newcastle ayaa labadaba lala xiriirinayay Ramsdale.
Conor Gallagher (Chelsea)
Waxaa lala xiriirinayaa: Tottenham
Conor Gallagher ayaa xiliciyaareed kaan noqday xidigii ugu horeeyay ee si joogto ah ugu ciyaara kooxda chelsea isaga oo waliba kabtan u noqday dhawr jeer taas oo ka dhigaysa wax lala yaabo in uu meel kale aado bisha January.
Blues ayaa la sheegay inay u baahan tahay inay isku dheelitirto mushahaaradka ka dib kharashaad badan oo ay ku bixisay 18-kii bilood ee la soo dhaafay Gallagher waxaa laga yaabaa inuu u huro inuu ka caawiyo maalgalinta taas.
Ciyaaryahanka khadka dhexe ee England ayaa la rumeysan yahay in lagu heli karo ku dhawaad 50 milyan ginni, waxaana lala xidhiidhinayaa kooxda ay xafiiltamaan kana dhisan london ee chelsea
Ivan Toney (Brentford)
Waxaa lala xidhiidhinayaa: Arsenal
Arsenal ayaa ku hungowday tartankoodii horyaalka 28-kii December markaasoo ay 2-0 gurigooda kaga badiyeen West Ham – ciyaartaas oo muujisay baahida loo qabo qof iska fogeeya fursadaha badan ee ay abuureen. Kooxda Mikel Arteta ayaa 30 dadaal ku bixisay goolka iyaga oo kaliya sideed gool dhaliyay.
Weeraryahanka Brentford Ivan Toney ayaa muddo dheer lagu xamanayay inuu yahay saxiixii ugu horreeyay ee Janaayo si uu u xoojiyo weerarka Arsenal.
Toney ayaa wali sii wada ganaaxii sideed bilood ee ka saarnaa kubada cagta kadib markii uu jabiyay sharciga sharadka ee xiriirka kubada cagta laakiin waxa uu soo laaban doonaa 17ka January.
Joao Palhinha (Fulham)
Waxaa lala xiriirinayaa: Arsenal, Bayern Munich, Liverpool
Fulham ayaa isku dayday in ay uga digto kooxaha xiisaynaya xiddiga khadka dhexe ee Joao Palhinha iyada oo siisay heshiis cusub bishii Sebtember, laakiin go’aankooda ayaa u muuqda mid la tijaabin doono January.
Kooxaha Arsenal, Bayern Munich iyo Liverpool ayaa dhamaantood lala xiriirinayay saxiixa xiddiga reer Portugal.
Fulham waxaa ka go’an inaysan ku ogolaanin qiimo jaban, waxaana la rumaysan yahay in xidigan ay ku doonayaan 60 milyan oo Ginni.
Thomas Partey (Arsenal)
Waxaa lala xiriirinayaa: Juventus
Dhaawacyada ayaa hagaasiyay bandhiga Thomas Partey ee Arsenal xilli ciyaareedkan, iyadoo Mikel Arteta la rumeysan yahay inuu u baahan yahay inuu iibiyo ciyaartoy si uu u maalgeliyo imaatinka bisha Janaayo, khadka dhexe ayaa laga yaabaa inuu ku daro.
30-sano jirkaan ayaa ku soo laabtay tababarka ka dib dhaawac muruqa ah oo uu ka maqnaa muddo labo bilood ah, waxaana lala xiriirinayay inuu u dhaqaaqayo kooxda reer Talyaani ee Juventus
Trevoh Chalobah (Chelsea)
Waxaa lala xiriirinayaa: Crystal Palace, Bayern Munich, Roma
Trevoh Chalobah ayaa laga yaabaa inuu ka tago Chelsea bisha Janaayo si uu uga caawiyo inay isku dheelitiraan dakhligooda qarashaad.
Daafacan ayaan u ciyaarin Blues xilli ciyaareedka oo dhan ka dib markii uu dhaawac ka soo gaaray bowdada xilli ciyaareedkii hore.
U dhaqaaqista meel ka baxsan England ayaa loo badinayaamuuqata Chalobah uu u dhaqaaqo labada kooxood ee Bayern munich iyo kooxda reer talyaani ee Roma halka ingiriiska dhexdiisana loo badinayo Crystal Palace.
Emile Smith Rowe (Arsenal)
Waxaa lala xidhiidhinayaa: Aston Villa
Laacibka khadka dhexe ee England ayaa dhawaan dhaawac kaga soo laabtay Arsenal, laakiin waxa uu u dhaqaaqi karaa bisha Janaayo haddii Mikel Arteta uu u baahan yahay inuu wax walba u dhaqaaqo si uu ugu xoojiyo kooxdiisa.
Aston Villa ayaa lala xidhiidhinayaa inay ku bedelado saaxiibkii Douglas Luiz iyo waliba lacag cadaaana.
Raphael Varane (Manchester United)
Waxaa lala xiriirinayaa: Real Madrid, Bayern Munich
Daafaca ayaa qandaraaskiisu dhacayaa dhamaadka xilli ciyaareedkan, sidaas darteed Manchester United ayaa laga yaabaa inay isku daydo inay lacag caddaan ah ku iibiso inta lagu jiro Janaayo.
30 jirka reer France ayaa lala xidhiidhinayaa inuu ku laabanayo real madrid laakiin Bayern Munich ayaa sidoo kale la sheegay inay soo gashay tartanka loogu jiro saxiixiisa.
U dhaqaaqista ayaa laga yaabaa inay ku xirnaato liiska dhaawacyada Manchester United, iyadoo tiro ka mid ah daafacyadeeda ay maqan yihiin.